شخصية مو مفهوم ليش موجودة في حارة الضبع الشخصية عبارة عن عدة اخطاء و غباء مركب لما تجي بدك تحلل شخصية ابوكاسم تحتار من وين تبدا خلينا نبلش بنقاط قوة الشخصية.
شخصية ابوكاسم في باب الحارة
- القوة : لا يوجد.
- الذكاء : لا يوجد.
- الفطنة : لا يوجد.
- السرعة : لا يوجد.
- الهيبة : لا يوجد.
- العقل : 0.3%.
نقاط ضعف شخصية ابوكاسم في باب الحارة
- ابو كاسم ضعيف في الحساب لانه مهما كان حجم الغلطة اللي عاملها رح يقول ماعرفت احسبها منيح.
- القرارت المصيرية اللي اتخذها ابوقاسم في المسلسل.
- فضح ابوعصام لما نام بالدكانة.
- ضرب عصام كف بدون سبب يذكر.
- رجع ضربه في البيت كمان وطرده.
- منع ام عصام من خطبة هدى ل عصام و تقليع بوران من بيته.
- سحب صندوق الحارة من ابو عصام و وقف المعونة ع اولاد البوابيري المساكين.
جانب سيء من شسخصية أبو كاسم في باب الحارة
بهدل سعيد صهر ابو عصام لانه تسلف مصاري من سعاد فراح سعيد زعل و رد المصاري و اشتغل طيان و انكسر ضهره فاضطرت بوران تشتغل في السوق بتطريز العبايات .. هون يسكت ابوكاسم ؟ لا يروح ل سعيد في بيته و يبهدله قدام مرته و ولاده حتى تقله بوران سعيد ضهره مكسور خالي، وهون هل يسكت صاحبنا ؟ لا بيلتفت ع بوران يسبّها ويقلها كلو منك ليش ماخبرتينا من الاول قال يعني لو خبرتو كان رح يلاقي الحل.
ابوكاسم هو السبب في بقاء الفرنساوي كل هالمدة و هو السبب في تمطيط المسلسل 14 الجزء ، المؤلف كل ما يحتار بيخترع اي مشكلة بسيطة و يدخل فيها ابوكاسم يكبرها و يشربكها ويجيب عاليها واطيها ، ابوكاسم لو استمر حلقتين كمان في زعامة الحارة بدل ابوشهاب كان وقع معاهدة تنازل عن سوريا مع الفرنساوي.
ختاماً من موقع دليلك نيوز الإخباري منعطيك خلاصة شخصية أبو كاسم بدها مجلد لحالها لنوصف عجائبها.
